Eimsbütteler Buddelbreven: Plattdüütsch in Eimbüttel
Damit Plattdeutsch nicht ausstirbt, trifft sich im Kreativhaus wöchentlich ein „Plattdüütsch Krink“.
Von GastMuttst di wunnern, wat dat allens gifft: Nu gifft dat also ok wedder en plattdüütsch Siet in de Eimsbütteler Nachrichten – »Narichten« heet dat op Platt un to Eimsbüttel kannst ok »Eimbüttel« to seggen – un de, de dat in’n gangen brocht hebbt, dat sünd wi: en Plattdüütsch-Krink vun teihn, twölf Lüüd. We draapt uns jümmers Dünnersdag Klock halvig söven in’t Kreativhuus in de Telemannstraat, blots nich in de Ferientiet un an Fierdaag.
Anfungen hebbt wi mol in’n September 2021 un nu sünd wi dor al meist veer Johr mit togang un snackt düchtig Platt. Worüm wi dat maakt? Süh, wi sünd övertüügt, dat Plattdüütsch to Hamborg dor mit to höört; wi wüllt de Spraak wedder en Stimm geven un wiesen, dat Platt Schritt holen kann mit de Nu-Tiet.
De mehrsten vun uns sünd nich mit Platt opwussen, man vele hebbt de Spraak noch as Kinner höört, wenn Öllern un Grootöllern se snackt hebbt. Dat Probleem mit Plattdüütsch is jo, dat de Plattsnackers ophöört hebbt, de Spraak an de junge Generatschoon wiedertogeven. De Wetenschopers hebbt rutfunnen, dat vundaag blots noch dree vun hunnert Plattsnackers mit ehr Kinner Platt snackt. Wenn dat so wiedergeiht, duert dat nich mehr lang un de Spraak is bald heel un deel verswunnen.
Kiek di doch mol üm in’n Stadtdeel, denn warrst du marken, dat hier fröher – is noch gorni so lang her – ok Platt snackt wurr. De Stratennaams vertellt dor vun. To’n Bispill de Müggenkampstraat. Vör hunnert Johren weer dat noch en Redder, en lütt Feldweg twüschen twee Knicks (mit bannig vele Müggen, de de Minschen pisackt hebbt), un hüüt is dat en moderne Wahn- un Inkoopsstraat merrn in’e Stadt.
Joon Plattsnackers vun’t Kreativhuus
Wörterbuch
al – schon
as – als
aver – aber
bannig – sehr
Bispill – Beispiel
blots – nur
dor … mit – damit
drapen – treffen
düchtig – tüchtig, fleißig
duern – dauern
Fierdaag – Feiertage
gorni – gar nich
Grootöllern – Großeltern
halvig – halb
heel un deel – vollständig
heten – heißen
holen – halten
in’n gangen – in Gang
jümmers – immer
kieken – gucken
Kinner – Kinder
Klock – Glocke, Uhr (hier: Punkt)
Krink – Kreis
Lüüd – Leute
lütt – klein
man – aber
marken – merken
mehrsten – meisten
meist – fast
merrn – mitten
Müggen – Mücken
Nu-Tiet – Gegenwart
ok – auch
Öllern – Eltern
op – auf
opwassen – aufwachsen
övertügen – überzeugen
pisacken – quälen
rut – raus, heraus
Siet – Seite
snacken – sprechen
Spraak – Sprache
Straat – Straße
to’n – zum
twüschen – zwischen
vertellen – erzählen
vundaag – heute
wedder – wieder
Wetenschoper – Wissenschaftler
wieder – weiter
wiesen – zeigen
lokal. unabhängig. unbestechlich.
Eimsbüttel+
Mit Eimsbüttel+ hast du Zugriff auf alle Plus-Inhalte der Eimsbütteler Nachrichten. Zudem erhältst du exklusive Angebote, Deals und Rabatte von unseren Partnern.
Eimsbüttel+
