„Nu ward dat kolt“
Wiltrud Rosenkranz ist 85 Jahre alt und lebt seit mehr als 50 Jahren im Stadtteil. In den 90ern organisierte sie das Osterstraßenfest als Nachbarschaftsaktion. Was in Eimsbüttel heute los ist, beobachtet Wiltrud Rosenkranz gerne mit einem Augenzwinkern. Für die Eimsbütteler Nachrichten notiert sie ihre Beobachtungen und Anekdoten auf plattdeutsch.
Von Wiltrud Rosenkranz„Nu ward dat kolt“ seggt uns Vatter, un wi möt nu Kantüffel in Kellern.“ Na so dree Zentner brukt wi jedes Johr – bi veer Kinner. Uns Kantüffelhöker käm denn ok vorbi un schmitt de Säck in uns Vorkeller, dor geert dat noch Lücht. Uns Vatter passt ober ob – uns ole Woog stun parat. He wull keene „Hamburger Zentner“ (de wegt nur 90 Pund!).
In uns lütten Keller wör dat zappenduster. Ik vertell ju wat, dat wör noch vor denn letzen Krieg. Denn as de Krieg anfung ger dat dieke Balkens vun ünnen bit an de Kellerdek un Lücht mokt de Lüt vom THD uns ok, denn nu wör dat een Luftschutzkeller. Ober wie geiht dat mit de Kantüffel wieder? Dree grote Kisten han wi. In de een kämen de gröten, in de mittlere Kist de mittleren Kantüffel un in de Kist an de rechte Siet kämen de lütten Kantüffel. So wiet ganz got, doch wer möt se utseuken in de Kist grabbeln un wenn dat kolt is ropholen?
Lücht im Vorkeller
Natürlich ik – bün jo de öllste un de veer Görn. Im Winter wör dat got, dat ik dorch de ünnerste Wohnung vun uns Vermieter de Kellertrepp runnergohn darf un Lücht im Vorkeller anmoken kun. Nu möt ik ober in Düstern in un Keller in de Kantüffelkisten grabbeln. Beten unhemlich wär dat schon. Knapp dat ik mien Korf sehn kunn. Un denn schree ik up so lut ik kunn. Himmel, wat wär dat? De Kantüffel in mien Hann wör week und mokt sich selbstständig – sei jumpt ut mine Hann un wör nu mol eben weg.
Kunn een Kantüffel hopsen?
Komisch, kunn een Kantüffel hopsen – nee. Ober ik heff so schreet, dat uns Vermieter de Trepp dol sust, Lücht mokt um to kieken wat mi passert is. Dor seeht wi beid in een Eck een Krött sitten. Mit grote Ogen kiegt se uns an. Ik heff genauso schlottert vor Angst. Doch uns ole Herr neem de Krött un lett se in uns Gorn wedder lopen. Dann helpt he mi un de Korf wedder no boben.
